अरे संसार संसार, जसा तवा चुल्यावर
आधी हाताला चटके, तवा मिळते भाकर
अरे संसार संसार, खोटा कधी म्हणू नये
राऊळाच्या कळसाला, लोटा कधी म्हणू नये
अरे संसार संसार, नाही रडणं, कुढणं
येडया गळयातला हार, म्हणू नको रे लोढणं
अरे संसार संसार, दोन जीवांचा विचार
देत सुखाला नकार, आणि दुखाःला होकार
अरे संसार संसार, खिरा येलावरला तोड
येक तोंडामधे कडु, बाकी अवघा लागे गोड
अरे संसार संसार, म्हनु नको रे भिलावा
त्याले गोड भीमफुलं, मधी गोडंब्याचा ठेवा
देख संसार संसार, शेंग वरतुन काटे
अरे वरतुन काटे, मधे चिक्ने सागरगोटे
देखा संसार संसार, दोन्ही जीवांचा सुधार
कधी नगद उधार, सुखादु:खाचा बेपार
अरे संसार संसार, असा मोठा जादुगार
माज्या जीवाचा मंतर, त्याच्यावरती मदार
असा संसार संसार, आधी देवाचा ईसार
माज्या दैवाचा जोजार, मग जीवाचा आधार
-कवयित्री बहिणाबाई चौधरी
आधी हाताला चटके, तवा मिळते भाकर
अरे संसार संसार, खोटा कधी म्हणू नये
राऊळाच्या कळसाला, लोटा कधी म्हणू नये
अरे संसार संसार, नाही रडणं, कुढणं
येडया गळयातला हार, म्हणू नको रे लोढणं
अरे संसार संसार, दोन जीवांचा विचार
देत सुखाला नकार, आणि दुखाःला होकार
अरे संसार संसार, खिरा येलावरला तोड
येक तोंडामधे कडु, बाकी अवघा लागे गोड
अरे संसार संसार, म्हनु नको रे भिलावा
त्याले गोड भीमफुलं, मधी गोडंब्याचा ठेवा
देख संसार संसार, शेंग वरतुन काटे
अरे वरतुन काटे, मधे चिक्ने सागरगोटे
देखा संसार संसार, दोन्ही जीवांचा सुधार
कधी नगद उधार, सुखादु:खाचा बेपार
अरे संसार संसार, असा मोठा जादुगार
माज्या जीवाचा मंतर, त्याच्यावरती मदार
असा संसार संसार, आधी देवाचा ईसार
माज्या दैवाचा जोजार, मग जीवाचा आधार
-कवयित्री बहिणाबाई चौधरी
wah barech divasani hi kavita aaj parat vachali.
ReplyDelete